உடல் பருமன் என்பது கடந்த சில ஆண்டுகளாக மக்களிடம் அதிகமாகி வரும் தீவிரமான பிரச்சனையாக உள்ளது. பல்வேறு காரணங்களால் மக்களுக்கு உடல் பருமன் ஏற்படுகிறது. உடலின் எடை அதிகரிப்பதன் காரணமாக நமது உடல் ஆரோக்கியத்தில் பல்வேறு மோசமான விளைவுகள் ஏற்படுகின்றன. குறைந்த உடல் இயக்கம் மற்றும் மோசமான உணவுப் பழக்கமே அதிகபட்சம் உடல் எடை அதிகரிப்பதற்கான முக்கிய காரணமாக உள்ளது.

இதனால் முழங்கால் வலி மற்றும் பல உடல் நலப் பிரச்சனைகள் ஏற்படுகின்றன. எனவே உடல் பருமனைத் தவிர்ப்பதற்கு நாம் நமது வாழ்க்கை முறையில் மாற்றம் செய்ய வேண்டியது அவசியமாகும்.

உடல் பருமன் பிரச்சினை உள்ளவர்களுக்கென்று பொதுவான சில அறிகுறிகள் இருக்கின்றன. அவை,

• எடை அதிகரித்துக் கொண்டே போவது,
• அதிக எடையால் ஏற்படும் மனஅழுத்தமும் உயர் ரத்த அழுத்தமும்,
• சுவாசக் கோளாறுகள் உண்டாதல்
• அதிகப்படியான சோர்வு
• அடிக்கடி பசி எடுப்பது
• அதிக எடையின் காரணமாக உடல் மற்றும் மூட்டுவலி உண்டாவது

போன்றவை உடல் பருமனுக்கான அறிகுறிகளாக இருக்கின்றன.

உடல் எடை அதிகரிப்பதற்குக் காரணமான சில பழக்கவழக்கங்களை இப்போது பார்க்கலாம்.

ஒழுங்கற்ற முறையில் உணவை உண்பது உடலில் ஊட்டச்சத்துக் குறைபாட்டை ஏற்படுத்தும். மேலும் ஒழுங்கற்ற இது உடல் எடையைக் குறைக்க உதவும் என சிலர் நினைக்கின்றனர். அது உண்மையில்லை. இது உடல் எடையைக் குறைக்க உதவாது.

தினசரி உடலுக்கு தேவையான அளவில் தண்ணீரை எடுத்துக்கொள்வது முக்கியமாகும். ஆனால் நம்மில் பெரும்பான்மையான மக்கள் தினசரி தேவையான அளவில் தண்ணீரை எடுத்துக் கொள்வது இல்லை.எனவே நீங்கள் உடல் எடை அதிகரிப்பால் பாதிக்கப்பட்டுள்ளீர்கள் எனில் தினமும் முடிந்த அளவு தண்ணீர் குடிப்பது நல்லது.

தினமும் சரியான அளவில் சர்க்கரை எடுத்துக்கொள்வதால் எந்த வித பிரச்சனையும் இல்லை. அது உங்களுக்கு எந்தவித பாதிப்பையும் ஏற்படுத்தாது. அதிகமான சர்க்கரை உடலில் சேரும்போது அதனால் உடல் பருமன் மற்றும் நீரிழிவு போன்ற ஆரோக்கிய பிரச்சனைகள் ஏற்படுகிறது.

நம்மில் சிலர் நீண்ட நேரம் ஒரே இடத்தில் அமர்ந்திருக்கும் வாழ்க்கை முறைக்குப் பழகிவிட்டோம். இதனால் நமக்கு உடல் பருமன் பிரச்சனைகள் ஏற்படலாம்.

வளர்சிதை மாற்றமும் இதனால் குறையலாம். குறைந்த அளவில் உடல் உழைப்பு வெளிப்படும்போது அதனால் இந்த மாதிரியான பிரச்சனைகள் ஏற்படுகின்றன.

பெண்களுக்கு இது பெரிதாக எந்த பாதிப்பையும் ஏற்படுத்துவதில்லை எனக் கூறப்படுகிறது. ஆனால் இருபாலரும் தவறாமல் 30 நிமிடம் தினமும் உடற்பயிற்சி செய்வது உடலுக்கு நன்மை பயக்கும்.

​ஒரு நாளைக்குக் குறைந்தது 8 மணி நேரமாவது நாம் தூங்க வேண்டும். தூக்கமானது உடல் மற்றும் மன ஆரோக்கியத்திற்கு பெரிதும் உதவுகிறது. ஆனால் அதிகமாகத் தூங்குவது நமது உடலில் பல்வேறு பாதிப்புகளை ஏற்படுத்துகின்றன.

​உடலில் கொழுப்பு அதிகரிப்பதில் மன அழுத்தம் முக்கிய பங்கு வகிக்கிறது என உங்களுக்கு தெரியுமா? பலரும் தங்களது எடை அதிகரிப்பது குறித்துக் கவலைப்படுகின்றனர், ஆனால் அதனால் ஏற்படும் மன நல பிரச்சனைகளால் உடல் எடை மேலும் அதிகரிக்க வாய்ப்புள்ளது. அதிகமாக சிந்திப்பது அல்லது அதிகமாக பயப்படுவது உடல் எடை அதிகரிப்பிற்கு காரணமாகிறது.

​உங்கள் எடை அதிகரிப்பதை குறித்து நீங்கள் கவலைப்படுகிறீர்கள் எனில் அதை சரி செய்ய நீங்கள் தினமும் உடற்பயிற்சி செய்யலாம். தினசரி உடற்பயிற்சியை மேற்கொள்ளும்போது அதனால் தினமும் அதிகமான அளவில் கலோரியை உங்களால் எரிக்க முடியும்.

மேலும் உடற்பயிற்சியுடன் உணவுக் கட்டுப்பாட்டையும் கடைப்பிடிக்கும்போது அது உடல் எடை குறைப்பிற்கு அதிக உதவியாக இருக்கும்.